Родителството е предизвик, без сомнение. А ако таа приказна ја свртиме на другата страна – родителството само по себе повлекува цела низа предизвици. Една од најголемите и најкритичните работи што предизвикува дополнителен стрес за многумина е фактот дека не е лесно да се поврзете со други возрасни луѓе, покажало истражување спроведено во Америка, објавено од Медицинскиот центар Векснер на Универзитетот Охајо во Колумбус.
Според тоа истражување, дури 66% од родителите од 1.005 испитаници изјавиле дека родителството и се што тоа носи со себе, понекогаш или често ги остава родителите да се чувствуваат изолирано и осамено. Освен тоа, речиси 40% од родителите изјавиле дека се чувствуваат како да немаат кој да им помогне во нивната родителска улога.
Денешниот живот е исклучително зафатен, брз и стресен. Токму затоа често не наоѓаме време за она што треба и за што би сакале да најдеме време. Една од најважните работи што им недостасува на родителите е поврзаноста со други возрасни луѓе, односно пријателството и интимни разговори со луѓе кои ги делат нивните интереси.
Брнаутот е чест
Покрај тоа, приближно 62% од учесниците во ова испитување изјавиле дека се чувствуваат исцрпено поради нивните родителски одговорности. Ова има смисла бидејќи изолацијата и осаменоста одат рака под рака со согорувањето, односно брнаутот.
Кога родителите се чувствуваат осамено и изолирано, нивните возрасни потреби не се задоволуваат затоа што посветуваат се што имаат и можат на своите деца. Ова е загарантиран пат до согорување или брнаут. По дефиниција, брнаутот е неописливо чувство на исцрпеност. Ова не е ништо ново за родителите, но од ден на ден се зголемува.
