Потребно:
За тестото:
- 400 гр брашно
- 200 гр путер исечен на коцки
- Прстофат сол
- 30 гр шеќер
- Прстофат цимет
- 120 мл вода
За филот:
- 8 јаболка
- 60 гр шеќер
- 3 лажици густин
- 1 лажичка цимет
- 1 лажичка ванилин шеќер
- 1 лажичка сок од лимон
Подготовка: Измешајте брашно, шеќер, сол, цимет и путер. Миксирајте, па постепено додавајте вода. Миксирајте додека не добиете ронлива текстура, па лесно замесете со раце и поделете на еден поголем дел (за долното тесто) и еден помал (за горното тесто) и обликувајте ги во два диска. Завиткајте го во фолија и ставете во фрижидер на 30 минути. Поголемото тесто развлечете го во големина малку поголема од кружниот калап (22-26 см), па ставете го во намрсениот калап. Притиснете ги рабовите и обликувајте ги по желба. Помалото тесто расукајте го кога ќе завршите со филот. Излупете ги јаболката, извадетеим ја срединатат и исечете ги на коцки. Додадете шеќер, густин, ванила и лимон, добро измешајте и обработете во тавче со малку путер. Мешајте ги јаболката додека го пуштат својот сок, а готови се кога ќе омекнат и кога сокот ќе почне да се карамелизира. Филот малку оладете го, па префрлете го во калапот со тестото. Горното тесто развлечете го, па со него покријте ја питата. Горното тесто можете да го исечете на ленти, па да го наредите како решетка. Свиткајте му ги рабови под дното тесто, притиснете и обликувајте. Исечете 4 линии на питата, премачкајте ја со белка и посипете со прстофат шеќер. Печете ја питата на 180 степени околу еден час. Кога тестото ќе стане златно, а филот ќе почне да крчка низ извлечените линии, питата е готова. Добар апетит!
