Потребно:
(шолја од 250мл)
- 2 јајца
- 1 ванилин шеќер
- 20мл масло
- Едно јаболко (средна големина)
- Цимет
- 1 шолја млеко
- 1 шолја брашно
- 1 прашок за печиво
Подготовка: Излупете го јаболкото, изрендајте го и оставете да отстои 10 минути. Во сад издвојте ги белките од жолчките. Изматете ги белките во цврст шам. Во жолчките додадете го ванилиниот шеќер и убаво измешајте со миксер. Потоа мешајќи додадете го маслото. Се пенасто изматете со миксер, па додадете го млекото. Брашното претходно измешано со прашокот за печиво, постепено, мешајќи со миксер додавајте го во смесата од жолчките. Изренданото јаболко измешајте го со цимет и додадете го во смесата. На крај, со дрвена лажица додадете ги изматените белки. Важно е рачно и полека да го измешате шамот од белки, бидејќи тоа им ја дава мекоста и убавината на палачинките. Смесата ќе биде погуста од онаа за обични палачинки. Печете ги палачинките на вобичаен начин. Добар апетит!
