Потребно:
- 2,5 кг сливи
- Грст нане
- Грст босилек
- 2 лути пиперки
- 1 главица лук
- Ловоров лист
- 1 лажица шеќер (по тегла)
- 1 лажичка сол (по тегла)
- 20 мл оцет (по тегла)
- Топла вода
Подготовка: Сливите исечете ги на половина, но не до крај, па извадете ги семките. Добро изблендирајте ги босилекот, нането, лукот и исчистените пиперки. Наредете ги сливите во стерилизирана тегла и ставете две лажици од добиената смеса, а потоа додадете шеќер, сол и оцет. Прелијте со топла вода и наредете ги теглите во тенџере со зовриена вода во која сте ставиле крпа. Покријте и оставете околу 7-8 минути. Извадете ги од тенџерето и уште еднаш цврсто затворете ги теглите. Добар апетит!
