Потребно:
- 1 пакување тенки кори за баклава
- 250гр путер
- 200гр бадеми
- 80гр суво грозје
- Малку мускатно оревче
За шербетот:
- 300гр шеќер
- 500мл вода
- 1 ванилин шеќер
- Сок од 1 лимон
Подготовка: Тавчето премачкајте го со растопениот путер и на дното ставете четири до пет кори, па секоја попрскајте ја со растопениот путер. Секоја кора наросете ја со мешавината од бадеми, нсуво грозје и мускатно оревче, се додека не ја потрошите. На самиот крај прекријте со четири кори. Пред печење исечете ја баклавата со нож во форма на ромбови или коцки, па прелијте со преостанатиот растопен путер. Печете ја баклавата на 200 степени, се додека не добие убава румена боја. Шербетот ќе го подготвите така што шеќерот, ванилиниот шеќер и водата ќе ги оставите добро да извријат, па ќе го додадете сокот од лимон. Печената баклава прелијте со оладениот шербет и оставете ја околу два часа да го впие.Добар апетит!
