Потребно:
- 700 гр пилешки батаци
- 1 врзоп за супа (пашканат, морков, магдонос)
- 2 стапчиња целер
- 1 кромид
- 2 шаки црвена леќа
- 2-3 рамни лажици ориз
За запршка:
- 1 рамна лажичка брашно
- 1 чаша вода
И уште:
- 1 жолчка од јајце
- 5 лажици крем за готвење
Подготовка: Ставете го месото во тенџере, посолете го, па покријте го со вода и варете додека не омекне. Кромидот пресечете го на половина, па испечете го на рингла. Кога батаците малку ќе омекнат, додадете го кромидот, морковот и пашканатот кои претходно сте ги излупиле. Кога и зеленчукот ќе омекне, процедете ја супата. Исечете го морковот и вратете го во супата. Можете да ја отстраните кожата од батаците или само да ги исечкате и повторно да ги ставите во супата. Додадете го оризот, сечканиот целер и леќата и измешајте. Доколку е потребно, додадете малку вода. Гответе ја супата додека леќата не омекне, а потоа направете запршка. Водата и брашното се мешаат да нема грутчиња, па се додаваат во супата и се меша додека убаво не се соединат сите состојки. Гответе уште неколку минути, а потоа исклучете. Оставете ја супата да се излади неколку минути, а потоа додадете ја жолчката која сте ја изматиле со кремот за готвење. Добро измешајте. Чорбата не смее да биде жешка, бидејќи жолчката не смее да се свари. Добар апетит!
