Потребно:
- 1 кг брашно
- 200 мл млеко
- 200 мл кисела павлака
- 1 свеж квасец
- 1 прашок за печиво
- 2 ванилин шеќер
- 200 гр путер
- 4 јајца
- 4 лажици шеќер
- 1 прстофат сол
Подготовка: Во 200 мл млеко додадете 4 лажици шеќер и свеж квасец, измешајте и оставете на топло место да се активира квасецот. Во сад измешајте го брашното со путерот, додадете сол, прашок за печиво и ванилин шеќер. Додадете го активираниот квасец, павлаката и јајцата. Замесете потврдо тесто од горенаведените состојки, оставете го на топло место да стаса 1 час. Тестото поделете го на 5 еднакви топчиња, секое расукајте го во круг и исечете така што ќе добиете 12 „триаголници“. На секој триаголник се става саканиот фил и се витка во ролат од поширокиот крај кон потенкиот крај. Ставете ги кифличките на плех обложен со хартија за печење и печете ги во загреана рерна на 180 степени додека не добијат златна боја. Додека се уште топли посипете ги со шеќер во прав. Добар апетит!
