Потребно:
- 80 гр пченично брашно
- 50 гр кокосово брашно
- 150 гр темно чоколадо
- 120 гр путер
- 120 гр кафеав шеќер
- 2 јајца
- 1 лажичка екстракт од ванилин
- Прстофат сол
- 1/2 лажичка прашок за печиво
- 2 до 3 лажици млеко (доколку е потребно)
За глазура и декорација:
- 100 гр темно чоколадо
- 2 до 3 лажици кокос
Подготовка: Вклучете ја рерната на 180°C и обложете плех со хартија за печење. Растопете го чоколадото и путерот во пареа или на тивок оган, а потоа оставете ја смесата малку да се олади. Матете ги јајцата со шеќерот и ванилата додека не добиете пенеста смеса. Додадете го растопеното чоколадо и внимателно соединете ги состојките. Во друг сад, измешајте пченично и кокосово брашно, прашок за печиво и прстофат сол. Додадете ги сувите состојки во смесата од чоколадо. Ако сметате дека смесата е премногу густа, додадете уште малку млеко. Треба да биде густа, но да може да се размачкува. Рамномерно распоредете ја смесата во подготвената тава. Печете околу 20 до 25 минути. Рабовите треба да бидат цврсти, а средината треба да биде мека. Откако колачот ќе се излади, растопете го чоколадото за глазурата и намачкајте го врз десертот. Посипете кокос врз глазурата. Оставете чоколадото да се стегне, а потоа исечете го на коцки. Добар апетит!
