Потребно:
- 100 г шеќер
- 1 литар сок или пет чаши сок по ваш избор, како портокал или цреша
- 120 г пченкарен скроб
- Кокос за посипување (по желба)
Подготовка: Истурете го сокот во тенџере и ставете го на тивок оган да се загрее. Додадете го пченкарниот скроб и мешајте постојано додека не се раствори целосно. Потоа додадете го шеќерот и продолжете со загревање, мешајќи постојано, додека смесата не стане густа, како пудинг. Важно е постојано да мешате за да не се создадат грутки. Истурете ја добиената смеса во калапи со посакувана форма кои претходно малку сте ги навлажниле со ладна вода. Оставете да се олади и да се стегне, а потоа внимателно извадете го колачот од калапот. По желба, можете да го наросите со кокос и да го послужите. Добар апетит!
