Потребно:
- 250гр исчистени цреши
- 1 чаша јогурт (200мл)
- 2 јајца
- ½ чаша шеќер
- 2 чаши брашно
- ½ чаша масло
- 2 лажички прашок за печиво
Подготовка: Калапот за печење премачкајте го со масло и наросете брашно. Рерната загрејте ја на 180 степени. Измешајте го брашното со прашокот за печиво и просејте. Во друг сад измиксирајте ги јајцата и шеќерот пет минути, додека смесата не стане густа и не добие светложолта боја. Потоа додавајте по малку масло и полека мешајте на најмала брзина. Во садот потоа додадете го јогуртот и рачно измешајте ја смесата. Сега додадете го брашното и соединете го со смесата, а на крај додадете ги црешите. Ставете ја смесата во калапот и печете помеѓу 30 и 40 минути на 180 степени. Колачот е готов кога ќе добие темно златно-жолта боја и кога се двои од калапот. Кога ќе се олади, врз колачот наросете шеќер во прав. Добар апетит!
