Потребно:
- 150 гр урми
- 100 мл млеко
- 100 гр кафеав шеќер
- 150 гр путер
- 3 јајца
- 150 гр брашно
- 1 лажичка прашок за печиво
- 1 лажичка екстракт од ванила
- 100 гр ореви
- 1 лажичка свежо рендан ѓумбир
Подготовка: Извадете ги семките од урмите, исечкајте ги и прелијте ги со млеко неколку минути за да омекнат. Во голем сад измешајте го омекнатиот путер, кафеавиот шеќер, јајцата и ванилата. Додадете го млекото со урмите и сè добро соединете. Во смесата додадете брашно и прашок за печиво, а потоа додадете ги оревите и свежиот рендан ѓумбир. Префрлете ја смесата во претходно подмачкан плех. Печете во загреана рерна на 170°C околу 35-40 минути, додека колачот не порумени. Добар апетит!
