Потребно:
- 500 гр мелено свинско месо
- 1 јајце
- 2 кришки леб натопени во млеко
- 1 главица кромид
- Сол
- Црн пипер
- Мелен црвен пипер
- Лебни трошки
- Маст или масло
Подготовка: Потопете го лебот во млеко. Оставете го да отстои малку, па добро исцедете го. Кромидот ситно се сечка и се меша со меленото месо. Додадете го лебот, јајцето зачинете со сол, бибер и мелен црвен пипер. Сè убаво измешајте и обликувајте долгнавеста векна, како ролат. Ролатот извалкајте го во лебните трошки. Ставете го во подмачкан сад за печење и наросете малку масло. Печете околу еден час во загреана рерна на 170 степени. На крајот малку ја зголемуваме температурата за да ролатот се зарумени убаво. Добар апетит!
