Потребно:
- 400 гр варени тестенини
- 200 грама рендано сирење или кашкавал по желба
- 100 гр шунка
- 1 тиквичка
- 200 гр павлака (1 чаша)
- 100 мл млеко
- 2 јајца
- Малку путер
- Сол
- Црн пипер
Подготовка: Загрејте ја рерната на 220 °C. Со малку путер премачкајте ја керамичката тава или кој било друг огноотпорен сад за печење во кој ќе ги печете тестенините. Сварете ги тестенините според упатството на пакувањето. Во садот за печење ставете ред тестенини, ред крупно рендано сирење, сечкана шунка и крупно изренданата тиквичка, па ред тестенини. Јајцата измешајте ги со павлаката и млекото, посолете и бибер и прелијте ги тестенините. Сосот треба да ги покрие сите тестенини. Одозгора посипете со рендан кашкавал. Печете го јадењето во загреана рерна околу половина час. Послужете го уште топло, а многу е вкусно и кога ќе се излади. Добар апетит!
