Потребно:
За колачот:
- 8 јајца
- 8 лажици шеќер
- 8 лажици гриз
- 4 лажици брашно
За шербетот:
- 600 г шеќер
- 2 ванилин шеќери
- 1 литар вода
- Сок и кора од половина лимон (може и цел)
Подготовка: Во длабок сад, изматете ги јајцата со шеќерот со миксер додека смесата не стане пенеста и хомогена. Додадете го брашното и гризот и нежно мешајте со шпатула додека состојките не се соединат. Намастете го и набрашнете го плехот. Истурете ја смесата во тава и ставете ја во претходно загреана рерна на 180 степени. Печете 30 минути, додека колачот не добие златна боја. По печењето, оставете го малку да се олади, а потоа исечете го на ромбови. Загрејте го шеќерот, водата, кората од лимон и сокот во тенџере и гответе околу 10 минути додека шеќерот целосно не се раствори. Тргнете го од оган и оставете го малку да се олади. Прелијте го топлиот шербет врз изладениот колач и оставете го да ја впие течноста и целосно да се олади пред сервирање. Добар апетит!
