Потребно:
- 500 гр бисквити
- 75 гр ореви
- 120 гр шеќер
- 60 гр какао во прав
- 250 мл млеко
- 150 гр путер
- Прстофат ванилин шеќер
За глазурата:
- 160 гр темно чоколадо
- 30 гр путер
Подготовка: Најпрво бисквитите искршете ги во тркалезен сад. Потоа на даска исечкајте ги оревите и додадете ги во садот. Додадете 120 гр шеќер во тенџере, просејте 60 гр какао во прав и измешајте. Потоа истурете го млекото и измешајте сè заедно со жица за матење. Добро мешајте додека не стане мазна смеса и варете на шпорет. Оставете да зоврие, тргнете го од оган и продолжете со мешањето. Потоа додадете го путерот и повторно измешајте. Истурете го ванилиниот шеќер и измешајте. Со добиената смеса прелијте ги бисквитите и измешајте со шпатула. Обложете округла стаклена чинија со најлонска фолија и префрлете ја смесата во садот. Убаво распоретеде и измазнете ја површината. Одозгора ставете цели парчиња бисквити. Покријте со најлонска фолија и оставете во фрижидер 4 часа. Потоа исечкајте ја црната чоколада и растопете ја на пареа заедно со путерот. Извадете го садот за торта од фрижидер, свртете го наопаку на чинија и извадете ја пластичната фолија. Одозгора прелијте со растопено чоколадо. Оставете го во фрижидер да се стегне и исечете. Добар апетит!
