Потребно:
- 1 пакување розен кори
- 500мл млеко
- 300гр шеќер
- 150гр путер
- 100гр млечно чоколадо
- 300гр мелени бисквити
- 250гр мелени печени лешници
За глазура:
- 100гр чоколадо
- 1 лажица путер или маргарин
Подготовка: На оган ставете го млекото со шеќерот и почекајте да проврие. Потоа додадете го путерот исечкан на парчиња и чоколадото искршено на парчиња. Мешајте додека се не се стопи. Тргнете од оган и додадете ги мелените бисквити и лешници. Се заедно соединете и оставете да се олади. По четири лажици од млакиот фил ставајте на секоја кора и премачкувајте ја. Тортата притиснете ја и оставете да отстои еден час. Потоа, стопете го чоколадото со путерот/маргаринот на пареа или во микробранова печка, по 15 секунди, додека целосно не се стопи. Прелијте преку колачот и оставете да се олади во фрижидер, додека се не соедини. Потоа може да се чува на собна температура. Најдобро е кога се сече во долги, правоаголни форми. На здравје.
