Потребно:
- 2 јајца
- 300 мл јогурт
- 600 гр обично брашно
- 1 лажичка сол
- 1 кесичка прашок за печиво
Подготовка: Јајцата изматете ги со жица за матење, па додајте ги јогуртот и солта и убаво измешајте. Додадете ги брашното и прашокот за печиво и добро измешајте додека не добиете смеса што не се лепи за раце. На набрашнета површина развлечете го тестото до дебелина на прст и исечете го на помали парчиња. По желба можете да ја исечете средината. Во тавата сипете масло, а кога ќе се загрее додајте ги погачиците кои малку сте ги развлекле со раце. Се пржат по неколку минути од секоја страна. Доколку ги подготвувате во фритеза на топол воздух, ставете ги на хартија за печење и печете ги 6 до 8 минути, превртувајќи ги на половина. Добар апетит!
