Потребно:
- 700гр брашно
- 1 свеж квасец
- 200мл млеко
- 1 прашок за печиво
- 100мл зејтин
- 180 гр кисела павлака
- 1 лажичка шеќер
- 1 лажичка сол
Подготовка: Од брашното одвојте 100 грама, кое подоцна ќе го искористите додека го месите тестото. Млекото загрејте го и во него додадете го иситнетио свеж квасец. Додадете една лажичка шеќер. Промешајте додека се растопи квасецот. Во друг сад измешајте 600гр брашно, прашокот за печиво и една лажичка сол, зејтинот, киселата павлака, а потоа додадете го и млекото со квасецот. Замесете тесто. 
На работната површина ставете од издвоените 100 грама брашно и размесете го убаво тестото. Потоа поделете го на два дела. Од едниот расукајте кора со дебелина од три милиметри и расечете ја на делови со големина која ја сакате за вашите кифли. По желба може да ставите во средината и сирење. Свитканите кифли премачкајте ги со јајце и наросете сусам или друг зачин по желба. печете во загрена рерна на 200 степени, околу 20 минути. Постапката повторете ја и со вториот дел од тестото.
