Потребно:
- 5-6 помали тиквички
- 1 главица црвен кромид
- 500гр мешано мелено месо
- 200гр гауда
- Концентрат од домати
- Ловоров лист
- Сол
- Црн пипер
- Лук во прав
Подготовка: Црвениот кромид исечкајте го и пропржете го на масло, па додадете го меленото месо, ловоровиот лист и зачините. Динствувајте околу половина час, додавајќи вода по потреба. Измијте ги тиквичките, исечете ги по должина и издлабете ги со лажица. Во тенџерето со меленото месо ставете ги извадените делови од тиквичките за да омекнат. На крајот додадете неколку лажици доматен концентрат. Наполнете ги тиквичките со вака приготвениот фил и посипете ги со ренданата гауда. Печете во рерна на 180 степени околу 40 минути. Добар апетит!
