Потребно:
- 6 шницли од свинско каре
- 2 лажици сенф
- 1 лажица брашно
- 200мл кисела павлака
- 1 кромид
- Сол
- Бибер
- Мешан сув зачин
Подготовка: Шницлите малку истолчете, ако претходно во месара не ви ги подготвиле. Посолете ги и во секоја од нив втријте по малку сенф. Во тавче ставете да се загрее масло, па потоа секоја шницла пржете ја по три минути од двете страни. Извадете го месото, а во маслото што сте пржеле ставете го исечканиот кромид. По неколку минути вратете го месото во тавчето. На страна изматете ја павлаката со преостанатиот сенф и брашното. Смесата полијте ја врз месото и додадете многу малку вода. Зачинете по вкус. Оставете се заедно да се динствува 10-15 минути. Прилогот изберете го според желбите на целото семејство.
