Потребно:
- 250мл слатка павлака
- 200гр маскарпоне
- 50гр шеќер
- 1 мала лажичка екстракт од ванила
- 1 лажица ликер (по вкус)
- 250-300мл инстант црно кафе
- 1 пакување пишкоти
- Какао во прав
Подготовка: Изматете ја слатката павлака, шеќерот и ванилата додека не добиете убав крем. Додадете го маскарпонето и продолжете да матите уште 5 минути. Во подлабока чинија ставете го кафето и избраниот ликер. Пишкотите една по една потопете ги во кафето, но не ги држете предолго за да не ви се распаднат. Во садот што сте го избрале ставете еден ред од натопените пишкоти. Половина од кремот размачкајте го врз нив, па истиот процес направете го и со остатокот од пишкотите и кремот. На крајот наросете со цедалка какао во прав. Ставете го колачот да се олади најмалку два часа пред сервирање.
СОВЕТ: Маскарпонето може да го замените со комбинација на несолено крем сирење и шлаг.
