Потребно:
За тестото:
- 3 јогурта (3х180гр)
- 300гр брашно
- 250гр шеќер
- 120мл масло
- 25гр какао
- 2 лажички сода бикарбона
За глазурата:
- 150гр путер или маргарин
- 150гр чоколадо за готвење
- 120гр шеќер
- 120мл млеко
Подготовка: Јогуртот, брашното, шеќерот, маслото и сода бикарбоната изматете ги со миксер две до три минути. Смесата ставете ја во тавче претходно премачкано со маргарин и печете во загреана рерна на 200 степени околу 20 минути. Потоа направете ја глазурата така што маргаринот или путерот ќе го стопите на рингла, а потоа тргнете го тенџерето од оган и со мешање додадете го чоколадото искршено на коцки и млекото. Мешајте додека не добиете мазна смеса. Оладениот колач премачкајте го со глазурата. Десертот послужете го со шлаг, а може да го послужите и со овошје по желба. Добар апетит!
