Потребно:
- 150 гр мелени бисквити
- 50гр путер
- 120мл слатка павлака
- 110гр шеќер или шеќер во прав
- 150гр темно чоколадо
- 2 лажици какао измешани во малку топла вода
- 200гр крем сирење
Подготовка: Бисквитите измешајте ги со растопениот путер и една лажица шеќер. Добиената смеса ставете ја на дно од калап (18цм). Изматете ја слатката павлака, додадете го претходно растопеното (но, млако) чоколадо и раствореното какао и се заедно убаво измешајте. Во друг сад убаво измешајте го остатокот од шеќерот и крем сирењето и постепено додавајте во смесата со чоколадо. Кога се ќе биде готово, кремот ставете го врз кората од бисквити и путер. Колачот ставете го во замрзнувач еден час, а потоа префрлете го во обичен фрижидер уште 30 минути.
