Потребно:
- 375гр намаз од лешници
- 3 јајца
- 2 зрели банани
- 5гр прашок за печиво
- 40гр какао
Подготовка: Загрејте ја рерната на 180 степени. Намастете долг калап за леб. Бананите излупете ги и исечере ги на мали кругови. Сите состојки ставете ги во блендер и миксирајте додека смесата не стане хомогена. Потоа ставете ја смесата во калапот и печете околу 50-тина минути, се додека чепкалката со која сте ја пробале средината не излезе чиста. Овој колач може малку да спласне кога ќе се олади, па немојте да се вознемирувате. Најважно е да го сечете кога целосно ќе се олади, за да парчињата бидат уредни и привлечни. По желба, оладениот колач може да го наросите со какао и да го послужите со изматен шлаг крем. Добар апетит!
