Потребно:
- 240 гр брашно
- 2 јајца
- 140 гр кафеав шеќер
- 250 мл кафе
- 100 гр растопен путер
- 1 лажица екстракт од ванила
- 2 лажички прашок за печиво
- 1 прстофат сол
- 25 гр скроб(нишесте)
- 50 гр чоколадни парчиња
За глазурата:
- 50 гр шеќер во прав
- 15 мл кафе
Подготовка: Најпрво во сад ставете ги брашното и скробот. Додадете 2 лажици прашок за печиво, малку сол и измешајте сè заедно. После тоа, растопете го путерот и оставете да се излади. Во друг сад додајте го кафеавиот шеќер, двете јајца, една лажичка екстракт од ванила и матете со миксер додека смесата не се згусне. Потоа во смесата додадете го растопениот путер, малку по малку, матејќи со миксер. Во оваа смеса додајте го брашното и кафето, непрекинато мешајќи со миксер. Потоа додадете ги чоколадните парчиња и измешајте. Истурете ја смесата во плех обложен со хартија за печење. Се пече на 180 степени, 45 минути. Потоа направете ја глазурата така што ќе го измешате шеќерот во прав и кафето. Добро измешајте и кога колачот ќе се излади, прелијте го со глазурата и украсете со зрна кафе. Добар апетит!
