Потребно:
- 360 мл слатка павлака
- 170 гр чоколадо за готвење
Подготовка: Загрејте околу 120 мл павлака во сад погоден за микробранова печка околу 1 минута. Додадете 170 гр сечкано чоколадо и промешајте само за да се соедини. Оставете настрана околу 5 минути за да се растопи чоколадото. Со помош на жица за матење, изматете го чоколадото и павлаката додека не добиете мазна смеса. Оставете малку да се олади додека ја матите преостанатата павлака. Ставете го преостанатиот 240 мл ладен шлаг од слатката павлака во сад. Матете со миксер или жица за матење додека не се формираат меки врвови. Одделете околу 120 мл во помал сад и ставете го во фрижидер – ова ќе го користите за сервирање на мусот. Продолжете да матите додека не се формираат цврсти врвови. Измешајте ја изматенатата павлака во изладената чоколадна смеса во три серии, користејќи голема шпатула. Работете брзо и нежно – не грижете се ако останат посветли траги од шлаг, во ред е. Поделете го мусот во 4 чинии или чаши. Ставете во фрижидер најмалку еден час (може да биде до 4 часа пред сервирање). Пред сервирање, додадете една лажичка од задржаната мека шлаг павлака и посипете со рендано чоколадо или сечкани лешници, по желба. Добар апетит!
