Потребно:
За ганашот:
- 120 грама темно чоколадо
- 200 гр слатка павлака
За палачинките:
- 3 јајца
- 40 шеќер
- 25 гр масло
- 300 мл млеко
- 100 грама брашно
- 15 гр какао
- Прстофат сол
За чоколадниот крем
- 200 мл слатка павлака
- 200 гр маскарпоне или крем сирење
Подготовка: Најпрво ќе го направите ганашот така што ќе го загреете кремот и ќе го прелиете со сечканото чоколадо. Брзо измешајте да се добие густа, темна смеса и оставете да се излади. Потоа подгответе ја смесата за палачинките и испечете ги, а додека се ладат ќе го направите филот. Измешајте ја слатката павлака и крем сирењето, а во тоа додадете го изладениот ганаш. Ставете ги палачинките една до друга за да се преклопуваат од едната страна, премачлајте со кремот и свиткајте во ролат. Ролатот потоа ќе го завиткате во пластична фолија и ќе го ставите во фрижидер неколку часа, по желба можете да направите и чоколадна глазура со сечкани ореви, за што ќе ви требаат околу 125 гр темно чоколадо, 120 мл. слатка павлака и 50 гр сечкани ореви, бадеми или лешници. Чоколадото растопете го во кремот, па во смесата додадете ги исечканите ореви, прелијте го изладениот ролат, ставете во фрижидер уште 20 минути и послужете. Добар апетит!
