Потребно:
- 60 г овесно или обично брашно
- ½ лажичка сол
- ½ лажичка сода бикарбона
- 200 г гранулиран шеќер
- 120 г крем сирење
- 2 големи јајца
- 5 мл екстракт од ванила
- 40 г какао
- 45 г чоколадни трошки (иситнето чоколадо)
Подготовка: Загрејте ја рерната на 175°C. Намастете и набрашнете плех за печење со димензии 20 x 20 см. Измешајте го брашното со сол и сода бикарбона. Измешајте го шеќерот и крем сирењето додека смесата не стане целосно мазна. Измешајте ги јајцата и екстрактот од ванила во смесата од сирење и шеќер и нежно мешајте. Додадете го какаото во прав и мешајте додека не се соедини. На крајот, полека додадете го брашното, а потоа и чоколадните трошки. Префрлете ја смесата во подготвениот плех за печење и рамномерно распоредете ја. Печете 25 до 30 минути, додека рабовите не се цврсти, а средината не стане сјајна и малку зацврстена. Оставете ги брауните целосно да се изладат во плех, околу еден час. Исечете ги на 12 или 16 парчиња и послужете. Добар апетит!
