Потребно:
За основата:
- 120 г путер
- 50 г шеќер
- 30 г какао во прав
- 1 јајце
- 150 г мелени бисквити
- 80 г кокосово брашно
- 50 г сечкани ореви
За кремот:
- 100 г омекнат путер
- 2 лажици прашок за пудинг од ванила
- 250 г шеќер во прав
- 3 лажици млеко
- 1 лажичка ванила шеќер
За чоколадната глазура
- 150 г чоколадо за готвење
- 2 лажици путер
Подготовка: Растопете го путерот, шеќерот и какаото на пареа. Додадете го изматено јајце и добро измешајте и варете на пареа 2-3 минути, мешајќи постојано, додека смесата не се згусне. Додадете ги мелените бисквити, кокосот и оревите и добро измешајте. Истурете ја смесата во мал квадратен калап обложен со хартија за печење. Оставете да се олади во фрижидер најмалку 30 минути. Во сад измешајте го путерот, шеќерот во прав, ванилата, прашокот за пудинг и млекото додека не добиете мазна, лесна крема. Рамномерно распоредете ја врз изладената основа и вратете ја во фрижидер. Растопете го чоколадото и путерот на пареа. Изладете малку, потоа прелијте ја кремата и внимателно израмнете ја. Оставете го колачот во фрижидер најмалку 2 до 3 часа, а идеално е преку ноќ, за да можат слоевите убаво да се стиснат. Добар апетит!
