Потребно:
- 2 јајца
- Прстофат сол
- 1 кесичка ванилин шеќер
- 200 г кафеав или кристален шеќер
- 125 г јогурт
- 1 лажица инстант кафе (растворено во малку млеко)
- 100 мл млеко
- 100 мл масло
- 330 г брашно
- 1 лажица какао
- 1 кесичка прашок за печиво
- 200 г парчиња темно чоколадо
Подготовка: Изматете ги јајцата со шеќер, ванилиниот шеќер и прстофат сол додека не станат пенасти. Додадете јогурт, млеко, масло и растворено инстант кафе, па сè соединете. Во друг сад измешајте: брашно, какао и прашок за печиво. Соединете ги сувите и влажните состојки, па додадете ги парчињата темно чоколадо. Нежно измешајте. Сипете ја смесата во калапите за мафини до 3/4 од висината. Печете во претходно загреана рерна на 180°C околу 20-25 минути, додека не добијат убава кора. Добар апетит!
