РЕЦЕПТ НА ДЕНОТ: Џем од малини и чиа

Џемот од семки од чиа е едноставна и поздрава алтернатива на традиционалниот џем, со помалку шеќер и додадени протеини и влакна. За разлика од класичните рецепти кои се потпираат на пектин, желатин или пченкарен скроб за згуснување, овој рецепт ги користи природните својства на семките од чиа.

Потребно:

  • 250 г замрзнати малини (или друго овошје)
  • 2 лажици семки од чиа
  • 2 лажици мед
  • 1 лажица свежо исцеден сок од лимон

Подготовка: Ставете ги малините во тенџере на средна температура. Гответе 5-6 минути, мешајќи повремено, додека не се загреат и не почнат да се разградуваат. Изгмечете го овошјето до саканата конзистенција и тргнете го од оган. Додадете ги семките од чиа, медот и сокот од лимон. Префрлете го во тегла и оставете го да се олади, непокриено, 1-2 часа. Откако целосно ќе се олади, покријте го и чувајте го во фрижидер. Добар апетит!

Забелешка:

Џемот со семки од чиа треба да се чува во фрижидер, во тегла или сад со цврсто затворен капак. Бидејќи не содржи конзерванси, ќе остане свеж во фрижидер до една недела. Џемот може да се замрзне и во соодветен сад и да се чува до три месеци.

ПОВРЗАНИ НАПИСИПОВЕЌЕ ОД АВТОРОТ