Потребно:
- 100 мл маслиново масло
- 200 гр пченкарно или брашно од елда
- Една банана
- Половина јаболка
Подготовка: Јаболката и бананата иситнете до форма на каша, а маслиновото масло ставете го во фрижидер да отстои еден час за да добие цврста форма за полесно да се замеси во тестото. Кога маслото се зацврстило, додадете го во брашното, а потоа додадете го пирето од овошје. Немојте да претерувате со брашно ако сакате бисквитите да ви останат воздушести и меки. Поради слаткоста на бананата, нема да има потреба од додавање шеќер. Кога ќе го замесите тестото, оставете го во фрижидер да стои околи 30 минути. Потоа развлечете го, и сечете го во саканата форма. Во зависност од дебелината на биксвитите, потребно е да се печат 15-20 минути на 180 степени Целзиусови. Добар апетит!
