Потребно:
За тестото:
- 300 гр брашно
- Прстофат сол
- ½ лажичка прашок за печиво
- 100 гр ладен путер
- 150 гр кисела павлака
- 1 јајце
За филот:
- 3 портокали
- 80 гр шеќер
- 20 гр густин (нишесте)
Подготовка: Излупете ги портокалите и исцедете го сокот (треба да добиете околу 200 мл). Во тенџере измешајте го сокот со шеќерот и ставете го на тивок оган. Измешајте го густинот со малку сок да се раствори, па додадете го во тенџерето. Варете со мешање додека не се згусне филот. Оставете го целосно да се излади. Просејте го брашното во сад, додадете сол и прашок за печиво. Додадете го ладниот путер исечен на коцки и втријте го во брашното додека не добиете ронлива текстура. Додадете ја павлаката и замесете тесто. Завиткајте го тестото во фолија и ставете го во фрижидер најмалку 30 минути. Развлечете го тестото на набрашнета површина во круг со дебелина од околу 3 мм. Исечете на триаголници, на секој ставете малку од филот и свиткајте во кифличка. Наредете ги во тава обложена со хартија за печење. Печете во загреана рерна на 180°C околу 30-35 минути, додека не поруменат. По желба посипете со шеќер во прав. Добар апетит!
