Потребно:
За тестото:
- 250 гр топло млеко
- 6 гр сув квасец
- 60 гр шеќер
- 2 јајца
- 100 гр стопен путер
- 600 гр брашно
- 1 лажичка сол
За филот:
- 500 гр јаболка (излупени и исечкани)
- 1 лажица шеќер
- 1 лажичка цимет
За премачкување:
- 1 жолчка + 1 лажица млеко
Подготовка: Шеќерот и сувиот квасец растворете ги во топлото млеко, па оставете 5-10 минути да се активира. Се додаваат јајцата, стопениот путер, солта и постепено се додава брашното, се меша додека не се добие меко тесто. Месете го тестото додека не стане еластично, па покријте го и оставете го на топло место околу 1 час да нарасне. Излупете ги јаболката и исечете ги на мали коцки. Измешајте ги со шеќер и цимет, а потоа динствувајте ги неколку минути додека не омекнат. Оставете да се излади. Кога тестото ќе нарасне, замесете го и поделете го на 2-3 дела. Секој дел развлечте го во круг и исечете го на триаголници. На поширокиот дел од триаголникот ставете една лажичка фил и внимателно свиткајте во ролна кон врвот. Кифличките редете ги на плех обложен со хартија за печење. Изматете ја жолчката со млекото и премачкајте ги кифличките со четка. Печете ги во загреана рерна на 180°C околу 25 минути, додека не поруменат. Добар апетит!
