Потребно:
- Кори за лазањи
- 200гр мелено месо
- 100гр шунка
- 1 врзоп млад кромид
- 1 врзоп млад лук
- 50мл масло
- 1 јајце
- 1 морков
- Сол
- Бибер
За бешамел сосот:
- 30мл масло
- 2 лажици брашно
- 450мл вода или млеко
- 3 чешниња лук
- Сув зачин
- Сол
- Бибер
Подготовка: На масло пропржете ги младиот лук и кромид, додадете го исечканиот морков на коцки и меленото месо. Пржете уште малку, па зачинете со сол и бибер. Бешамел сосот подгответе го така што маслото ќе го ставите во тенџере, веднаш ќе го додадете брашното и пржете додека не се зарумени. Додадете го ситно исечканиот лук и кусо пропржете. Додавајте ја водата, да добиете редок сос. Додадете уште 30гр рендан кашкавал. Зачинете и тргнете го тенџерето од оган. Корите лазањи кусо обарете ги (2 минути). Намастете го дното на тавчето во која ќе ги подготвувате лазањите. Покријте го дното со кори, додадете од бешамел сосот и премачкајте да биде секаде покриено. Ставете нов ред лазањи, пак ставете од бешамелот. Потоа додадете уште еден ред лазање, па пак бешамел и додадете ја целата смеса со месото. Врз него ставете ја шунката. Ставете уште еден ред лазање, па завршете со бешамел сосот. Ставете јадењето да се пече на 200 степени, околу еден час.
