Потребно:
За тестото:
- 100 гр маргарин
- 150 гр брашно
- 4 јајца
- 250 мл млеко
- Прстофат сол
За кремот:
- 3 жолчки
- 150 гр шеќер
- 40 гр брашно
- 500 мл млеко
- 70 гр путер
- 10 гр ванилин шеќер
За чоколадната глазура:
- 100 гр чоколадо за готвење
- 2 лажици кисела павлака
- Листови од бадем
Подготовка: Сварете го млекото со сол и додадете маргарин. Кога ќе се растопи, постепено додавајте го брашното со постојано мешање и варете додека не се згусне. Оставете да се излади и измешајте ги јајцата во топлата смеса едно по едно. На подмачкан плех со лажица во поголема оддалеченост ставајте купчиња тесто и печете на 210 °C околу 15 минути. Оставете ги да се изладат. За кремот пенасто изматете ги жолчките со шеќерот, додадете го брашното и ванилиниот шеќер, измешајте и прелијте со врело млеко. Кремот кратко варете го на пареа. Откако ќе се олади, измешајте го изматениот путер. Исечете ги корпите тесто со остар нож на две половини и наполнете ги со кремот. Чоколадото растопете го на пареа и додадете ја павлаката, па прелијте го врз полнетите колачиња. Украсете ги со листови бадем. Добар апетит!
