Потребно:
- 5 јајца
- 1 литар млеко
- 100 гр шеќер
- 1 лажичка екстракт од ванила
- Прстофат сол
Подготовка: Одделете ги белките од жолчките. Млекото ставете да се вари на тивок оган додека не зоврие. Додадете екстракт од ванила. Посолете ги белките и изматете ги во снег со две лажици шеќер (одземете од вкупниот шеќер). Изматете ги жолчките со остатокот од шеќерот. Во зовриеното млеко ставајте лажица по лажица снег, превртете ги, па извадете ги со решетка лажица. Тргнете го млекото од оган и додадете неколку лажици во измиксираните жолчки, а потоа полека сипете ги жолчките во млекото со постојано мешање. Вратете го на оган и варете со мешање додека кремот убаво не се згусне. Во сад или чинија ставете малку сварен крем, додадете неколку лажици снег и послужете. Или сварениот крем прелијте го врз сварените белки, па извадете ги во помали чинии и послужете. Добар апетит!
