Потребно:
- 140 гр путер
- 150 гр шеќер
- 200 гр темно чоколадо
- 800 мл млеко
- 90 гр брашно
- 1/2 мешунка од ванила
Подготовка: Во тенџере ставете ги чоколадото, шеќерот и путерот,па се заедно стопете на тивок оган, мешајќи додека не стане мазно. Во друг сад загрејте го млекото заедно со семките од ванила, но внимавајте да не зоврие. Во чоколадната мешавина додадете го брашното и добро изматете додека смесата не стане мазна. Постепено сипете ја смесата во врелото млеко со постојано мешање со жица за да не се направат грутчиња. Повторно ставете ја смесата на оган и со постојано мешање доведете ја до вриење. Варете уште околу 5 минути додека не се згусне. Истурете го пудингот во калап за торта и оставете да се излади. Пред сервирање ставете го во фрижидер најмалку 3 часа. Добар апетит!
