Потребно:
- 2 главици лук
- 6 супени лажици маслиново масло
- 500гр тестенини
- 1 лажичка сол
- 1/2 лажичка мелен црн пипер
- 15гр свеж магдонос
- 25гр пармезан сирење
- 1/4 лажичка чили пиперка
Подготовка: Загрејте ја рерната на 200 степени. Исечете го врвот од двете главици лук. Секој од нив ставете го на алуминиумска фолија и прелијте ги со лажица маслиново масло. Завиткајте го лукот во фолија така што исечената страна да е свртена нагоре. Ставете го лукот на плех и печете еден час. Кога ќе се испече лукот, извадете го и грубо исечкајте ја едната главица со нож. Другата нека остане цела. Додадете ги преостанатите четири лажици маслиново масло, сечканиот лук, чили пиперките, сол и бибер во голема тава на средна топлина. Печете две до три минути. Додадете ги сварените тестенини, претходно добро исцедени. Гответе уште пет минути. Исклучете ја топлината, додадете магдонос и пармезан. Добро измешајте. Послужете веднаш. Добар апетит!
