Потребно:
- 1 шолја брашно
- ½ шолја какао во прав
- 125гр чоколадо
- 6 лажици путер
- 3 јајца
- ½ шолја шеќер
- ½ шолја пире од тиква
- 1 ванилин шеќер
- Малку сол
Подготовка: Пирето од тиква ќе го подготвите така што тиквата ќе ја испечете во рерна со малку путер и шеќер и ќе ја измиксирате во пире. Рерната загрејте ја на 180 степени, а калапот за печење намастете го со путер. Измешајте ги брашното, какаото и солта. Путерот и чоколадото растопете ги на пареа, па додадете го шеќерот, јајцата, ванилиниот шеќер и пирето од тиква. Кога состојките ќе се поврзат, додадете ги сувите состојки и се заедно измешајте. Смесата префрлете ја во калапот и печете околу 40 минути.
