Потребно:
- 800 гр леблебија од тегла или конзерва
- 1 лимон
- 1 полна лажица сос од лута пиперка
- 1 полна лажичка црвен пипер во прав
- 1 лажица брашно
- 1 китка свеж магдонос (30гр)
- Маслиново масло
- 4 лепчиња
- 2 гранчиња свежо нане
Подготовка: Исцедете ја леблебијата и ставете ја во блендер. Ситно изрендајте ја кората од лимон, па додадете прстофат сол и црн пипер, сос од лута пиперка, црвен пипер во прав, брашно и магдоносот. Блендирајте додека не се изедначи. Од добиената смеса со чисти, влажни раце брзо обликувајте 16 плескавици. Ставете 2 лажици маслиново масло во голема тава на средна топлина. Внимателно ставете ги фалафелите и пржете 6 минути или додека не станат златни и крцкави, задолжително испржете ги од двете страни. Загрејте ги лепињите во рерна или тостирајте ги. Ставете ги фалафелите во топлите лепчиња со вашите омилени прилози и ливчиња нане. Добар апетит!
