Потребно:
- 300 гр брашно
- 100 гр пченкарно брашно
- 1 прашок за печиво
- 1/2 лажичка сода бикарбона
- 150 гр солено сирење, издробено
- 2 печени и излупени пиперки исечкани на коцки
- 3 лажици ајвар
- 2 јајца
- 100 мл масло
- Грст црни и зелени маслинки без семки
- 300 мл јогурт
- 1 лажичка мешавина од суви зачини
- 1 лажичка сол
Подготовка: Прво измешајте ги сите суви состојки. Во посебен сад со миксер се матат јајцата, јогуртот и маслото, па се додаваат сечканата пиперка, ајварот, издробеното сирење и сечканите маслинки. Додадете ги влажните состојки во садот со сувите состојки и сè измешајте со рака. Калапот за мафини подгответе го однапред со ставање хартиени корпи. Распоредете ја смесата во калапот. Загрејте ја рерната на 180 степени и печете околу 20 минути. Извадете ги од рерна и оставете ги да се изладат, а потоа уживајте. Добар апетит!
