Потребно:
- 300 гр бисквити
- 150 гр путер
- 150 мл фанта сок
- 200 гр јафа бисквити
За филот:
- 300 мл слатка павлака
- 130 гр шеќер
- 80 гр пудинг од ванила (без готвење)
- 1 кесичка ванилин шеќер
- 300 мл млеко
Подготовка: Стандардните бисквити измешајте ги со стопениот путер, па притиснете ги во калапот. Ставете во фрижидер половина час, а потоа на дното наредете ги јафа бисквитите, кои сте ги потопиле во фанта сокот. Изматете ги пудингот и млекото, па соединете со изматената слатка павлака во која сте додале шеќер и ванилин шеќер. Оставете го покриениот фил во фрижидер да отстои еден час, а потоа прелијте го врз јафа бисквитите и израмнете. Повторно ставете го колачот во фрижидер уште половина час, па украсете со какао. Добар апетит!
