Потребно:
- 3 јајца
- 120 гр бело чоколадо
- 120 грама крем сирење
Подготовка: Одделете ги жолчките од белките, а белките изматете ги во крут снег. Растопете го белото чоколадо на пареа, а кога ќе се олади додадете ги една по една жолчките со нежно мешање. Во смесата додадете го крем сирењето, па со шпатула измешајте го снегот од белките. Истурете ја смесата во калап од 18 см обложен со хартија за печење. Удрете го калапот од кујнската подлога неколку пати за да се ослободи воздухот од колачот и да се спречи пукање за време на печењето. Калапот ставете го во подлабок калап наполнет со топла вода за да се циркулира пареата во рерната и колачот да биде посочен. Печете прво на 170 степени 15 минути, па намалете на 160 степени и печете уште 15 минути. Оставете го колачот уште 15 минути во исклучена рерна. Оставете да се излади и посипете со шеќер во прав. Добар апетит!
