Потребно:
- 200 гр леб
- 150 мл млеко
- 2 јајца
- 150 гр пармезан (може да се користи и друг вид на кашкавал)
- 1 китка магдонос
- 1 чешне лук
За сосот:
- 500 мл сос од домати
- 1 кромид
- Маслиново масло
Подготовка: Иситнете ја средината на лебот, па прелијте ја со млеко. Потоа оставете настрана околу 10 минути. Во тој сад додадете рендан пармезан, сечкан магдонос, јајца и мелено лукче. Се добро соединете, па покријте со проѕирна фолија и оставете во фрижидер половина час. Формирајте ги ќофтињата и пржете ги во тава на малку масло. Исечете го кромидот и пропржете го на малку маслиново масло, додадете го доматниот сос и оставете пет минути да се динствува. Зачинете по желба, па додадете ги ќофтињата и оставете уште малку на рингла. Добар апетит!
