РЕЦЕПТ НА ДЕНОТ: Ќофтиња полнети со сирење

Од мелено месо можете да направите разни јадења, како ќофтиња, плескавици, мусака, полнети пиперки... Едно од најдобрите јадења секако се ќофтињата, а ние ви пренесуваме одличен рецепт. Наполнете ги со сирење, а вака подготвените ќофтиња можете да ги послужите со пире од компири или салата.

Потребно:

  • 500 гр мелено месо
  • 1 јајце
  • 60 гр презла
  • 100 мл млеко
  • 1 чешне лук
  • 1 лажичка мелен црвен пипер
  • Сирење по желба

Подготовка: Во сад измешајте го меленото месо, презлата млекото, јајцето, иситнетото лукче и по желба зелените перца од млад лук. Зачинете со сол, бибер и црвен пипер, па сè убаво соединете. Покријте со проѕирна фолија и ставете ја смесата во фрижидер половина час. Земете малку месо, па спеснете малку со раце, па ставете поголемо парче сирење и одозгора ставете уште малку месо и формирајте ќофте. Правете го тоа додека не ги искористите сите состојки. Во тава во која сте загреале многу зејтин пржете ги ќофтињата. Готовите ќофтиња префрлете ги на хартиена крпа да се исцедат. Добар апетит!

ПОВРЗАНИ НАПИСИПОВЕЌЕ ОД АВТОРОТ