Потребно:
- 160 гр кокос
- 3 лажици шеќер
- 300 мл млеко
- 2 лажици стопен путер
- 20 гр бадеми
- 2 лажици крем од лешник
- 120 гр млечна чоколада
- 20 мл масло
- 50 гр кикирики
Подготовка: Во тенџере измешајте ги млекото, шеќерот и путерот. Ставете на средна топлина и мешајте додека не се стопат шеќерот и путерот. Додадете го кокосот и мешајте додека смесата не стане густа и компактна. Оставете да се излади. Земете малку смеса, обликувајте бомбица и во средината ставете бадем. Повторете додека не ја потрошите целата смеса. Оставете ги бомбиците во фрижидер 30 минути да се стегнат. Млечното чоколадо растопете го на пареа или во микробранова печка, додадете масло и добро измешајте. Секое топче потопете го во растопено чоколадо, па посипете со сечканите кикирики. Ставете ги на хартија за печење и оставете ги во фрижидер додека не се стегне глазурата. Добар апетит!
