Потребно:
- 300 гр бело чоколадо
- 400 мл млеко
- 12 гр желатин
- 500 г грчки јогурт
- Бобинки за декорација
Подготовка: Прво искршете го белото чоколадо. Истурете го млекото во тенџере и додадете го чоколадото, па мешајте додека не се растопи. Ставете го желатинот во чаша и прелијте го со малку од смесата што сте ја свариле претходно. Добро измешајте па сипете во млекото со стопеното чоколадо. Измешајте сè и додадете го грчкиот јогурт. Мешајте со жица за матење. Потоа обложете го калапот за колачи со хартија за печење. Истурете ја смесата во калапот, покријте со пластична фолија и оставете го во фрижидер преку ноќ. Следниот ден, префрлете го на чинија за сервирање, наросете со рендано бело чоколадо и декорирајте со малини или бобинки по желба. Добар апетит!
