Потребно:
- 230 гр путер
- 120 гр шеќер
- 320 гр брашно
- 90 гр чоколадо за готвење
Подготовка: Во сад се ставаат путерот, шеќерот и брашното и се матат со раце додека не се добие ронливо тесто. Додадете го чоколадото кое претходно сте го исецкале на ситни парчиња и уште еднаш измешајте, па смесата притиснете ја во калапот на кој сте ја ставиле хартијата за печење. По желба додадете уште едно парче чоколадо и посипете со шеќер, па печете приближно 30 минути на 180 степени. Кога колачот ќе се олади, послужете го со шолја кафе или чај. Добар апетит!
