Потребно:
- 150 гр гриз
- 125 гр брашно
- 1 лажичка прашок за печиво
- 1/2 лажичка сода бикарбона
- 1/4 лажичка сол
- 150 гр шеќер
- 3 јајца
- 120 мл јогурт
- 120 мл масло
- 1 лажичка кора од портокал
- 1 лажичка екстракт од ванила
За сирупот:
- 120 мл сок од портокал
- 1 лажичка сок од лимон
- 240 мл вода
- 200 гр шеќер
Подготовка: Јајцата заедно со солта, кората од портокал и шеќерот матете ги со миксер 3-4 минути. После тоа, сипете го маслото и матете една минута. Потоа додадете го јогуртот и матете уште една минута. Потоа просејте го брашното измешано со прашокот за печиво, па додадете ја сода бикарбоната. Потоа во смесата додадете ги гризот и екстрактот од ванила. Сè убаво измешајте со шпатула. Подгответе плех од 20х20 см и обложете го со хартија за печење. Истурете ја смесата за колачот во тавата. Се пече на 170 степени околу 30 до 35 минути. Оставете го колачот да се излади и направете го сирупот од портокал. Во сад ставете ја водата, сокот од портокал, лимоновиот сок и шеќерот и измешајте со шпатула. Ставете го на тивок оган и оставете го сирупот да се намали за половина. Тргнете од оган и промешајте. Изладениот колач избоцкајте го со чепкалка, па прелијте го со сирупот. Добар апетит!
